Udaltzaingoko intendente berriak Jose Erbinako komisaria bisitatu du, Segurtasuneko zinegotziarekin batera
Roberto Álava Vitoria-Gasteizko Udaltzaingoko intendente berria Jose Erbina kaleko polizia-etxean izan da gaur goizean, César Fernández de Landa Segurtasuneko zinegotziarekin batera. Ekintza intendentea hiriko polizia osatzen duten espazio eta taldeekin harremanetan jartzeko egiten ari den lehen bisitekin lotuta dago.
Ibilbidean zehar, zinegotziak azpimarratu du segurtasuna dela herritarren ongizatearen funtsezko zutabeetako bat. Horrekin lotuta, segurtasun maila horri eusteko, Udaltzaingoko 450 agente baino gehiagoren lana funtsezkoa dela nabarmendu du. Fernández de Landak eskerrak eman dizkio Roberto Álavari Gasteizko polizia-buruzagitzan sartzeagatik, eta bereziki baloratu du Ertzaintzan izandako ibilbide profesionala eta hirian bertan komisario gisa pilatutako esperientzia. Adierazi du ingurunea eta poliziaren funtzionamendua ezagutzeak balio erantsia emango diola Udaltzaingoa lehendik egiten ari den lanari.
Roberto Álavak, bestalde, beretzat Udaltzaingoaren intendentziara iristea esan nahi duen erronka pertsonal eta profesionala baloratu du.
Bisita baliagarria izan da, halaber, Udaltzaingoak etapa berri honetan dituen erronkei heltzeko. Horien artean, zinegotziak langile kopurua handitzea, instalazioak hobetzea (Jose Erbinaren polizia-etxe bera, esaterako) eta ekipamendu berriak sartzea aipatu ditu. Testuinguru horretan, zorte ona opa dio intendente berriari, eta hura lantaldean sartu izanak oraingo eta etorkizuneko erronkei aurre egiten nabarmen lagunduko duela uste duela errepikatu du.
