Udalak 45 ekintzaileri aholkua ematen die Adimen Artifizialaren laguntzaz beren negozioak kokatzeko kokagune ezin hobea aurkitzeko
- Udal Merkataritza Zerbitzuak ‘Pickgeo’ tresnarako sarbidea doan eskaintzen du otsailetik
Vitoria-Gasteizko Udalak 45 ekintzaileri eskaini die aholkularitza beren negozio berriak kokatzeko lekurik onena aurkitzeko. Joan den otsailetik, Udal Merkataritza Zerbitzuak doan eskaintzen du Pickgeo tresnarako sarbidea, Ekonomia Sustapen, Enplegu, Merkataritza eta Turismo zinegotziak gaur goizean egindako batzordean nabarmendu duenez.
“2023-2030 aldirako Gasteizko Ekintzailetzari Laguntzeko Plan Integralaren parte da ‘Pickgeo Location Intelligence’ tresnaren ezarpena. Gaitasunak handitu eta hiriaren sorrerari ekintzailetzaren bektorea gehitzea da aipatutako planaren helburua, eta Arabako hiriburuaren irudia eta ospea indartzea, ekintzailetzarako ingurune gisa. Hala, iruditeria kolektiboko eta hiritarren kulturako balioak aldatu nahi dira”, azaldu du Nanclaresek.
Ekimen horri esker, Gasteizen negozio bat abian jarri nahi duenak inguruari buruzko informazio estrategikoa kontsulta dezake, hala nola biztanleriaren datu sozio-demografikoak, kontsumoari buruzkoak, errenta mailari buruzkoak, ibilgailuen trafikoari buruzkoak, mugikortasunari buruzkoak, lehiakideei buruzkoak, eskuragarri dauden lokalen eskaintzari buruzkoak… eta, horrela, enpresen kokapen egokiari buruzko erabakiak optimiza ditzake.
Programak Adimen Artifiziala erabiltzen du 2.000 aldagai geolokalizatu baino gehiago aztertzeko.
Merkataritza Zerbitzuak barne-dokumentazioko lanketa egin du tresna hori elikatzeko, negozio-ideia berriak inplementatzeko eskuragarri dauden kaleko lokalei buruzko datuekin.
Aholkularitza-zerbitzu hori erabili nahi duten pertsonek Udalaren webgunetik eska dezakete (www.vitoria-gasteiz.org). Hor bertan topatuko dute programaren demoa.
