Energia Eraginkortasuneko kontratua Giroa SA enpresari esleitu diote
- Esleitutako aurrekontua 40.308.244,79 eurokoa da, eta gauzatzeko epea, aldiz, 5 urtekoa
Tokiko Gobernu Zerbitzuak “Udal-eraikinetako klimatizazioko (berokuntza, aire girotua eta aireztapena) eta ur sanitarioko instalazioetako mantentze-integrala eta erregaiaren hornikuntza energetikoaren kudeaketa jasangarria” egiteko kontratua esleitu dio Giroa SA enpresari 40.308.244,79 euroko zenbatekoaren truke.
Gauzatzeko epea 5 urtekoa da, 2026ko urte naturalarekin hasi eta 2031ra artekoa, eta aldi horretan metatutako energia-kontsumoa % 12 baino gehiago murriztu nahi da, eta CO2 isuriak 3.798 tonatan.
“Kontratu hau Udalaren zenbateko handieneko kontratuetako bat da, eta 235 udal-eraikinen kudeaketa barne hartzen du. Laugarren lizitazio honetan hainbat berrikuntza sartu dira, hala nola prebentziozko mantentze-lanen igoera, 2.250 ekipo eta elementu berritzea eta esleipendunak bere gain hartuko dituen 400 obra baino gehiago. Lizitazio horri esker, Vitoria-Gasteizko Udala gero eta jasangarriagoa, eraginkorragoa eta modernoagoa da”, azaldu du Izaskun Reyesek, Mantentze-lanetako zinegotziak.
Bilakaera izan duen arren, kontratu honek duela 26 urteko (lehen aldiz orduan esleitu zen) filosofia berari eusten dio: kalitatezko zerbitzua ematea, energia-kontsumoa arrazionalizatuz eta gas kutsatzaileen emisioak murriztuz.
