Gasteizko udaletxea urdinez argituko da bihar Jaiotza inguruko Heriotzaren Nazioarteko Eguna dela eta

• Horren helburua da haurdunaldiko, jaiotza inguruko eta jaioberriaren dolua ezagutaraztea

Jaiotza inguruko Heriotzaren Nazioarteko Eguna dela eta, bihar, asteazkena, urriak 15, urdinez argituko da udaletxea, honako helburuaz: haur bat haurdunaldian, jaiotzean edo bizitzako lehen urtean galtzeak zer esan nahi duen kontzientziatzea, bai emakumeentzat, bai haien bikotekideentzat, familientzat eta ingurune hurbilarentzat.

Ekimen horren helburua da gogoetara dei egitea eta tabu soziala haustea. Izan ere, haurtxo horien heriotzak ez du haiek izatearen irudirik edukitzea ahalbidetzen. Tabu hori dela eta, familiek ezin dute dolu osasuntsurik izan eta horrek isilarazitako dolua eragiten du. Askotan, gainera, patologiko bihurtzen da eta horrek gaixotasun fisikoak eta psikologikoak eragiten ditu.