Alkateak harrera egin dio Udaltzaingoko intendente berriari
Maider Etxebarria Vitoria-Gasteizko alkatea eta César Fernández de Landa Herritarren Segurtasunerako zinegotzia Roberto Álava Udaltzaingoko intendente berriarekin bildu da gaur goizean. Intendente berriak aste honetan hartu du kargu berria.
Udaletxean egindako bileran, alkateak eta zinegotziak ongietorria eman diote, eta polizia-zerbitzuari buruzko gaiak aztertu dituzte, labur-labur. Etxebarriak eskerrak eman dizkio arduradun berriari Gasteizekin hartutako konpromisoagatik, eta Udaltzaingoaren baliabideak indartzen jarraitzeko Udalaren babesa helarazi dio.
Roberto Álava Gasteizko Udaltzaingoaren historiako lehen intendente bihurtu da uztailean deitutako hautaketa-prozesua gainditu ondoren. Ertzaintzatik dator. Bertan ibilbide profesional luzea egin du, eta, 2017tik, Ikerketa Kriminaleko eta Polizia Judizialeko buru izan da. Horren aurretik, Arabako hiriburuan Ertzaintzako komisarioa izan zen.
