21 Zabalguneak Eko-barruti Ekintzailea proiektuaren emaitzak eta aurrerapenak aurkeztu ditu herritarrei irekitako saio batean
- Topaketa azaroaren 13an izango da, 18:30ean, Círculo Vitorianoren auditorioan
21 Zabalgunea Udal Hirigintza Elkarteak ‘Zabalgunea, Eko-barruti Ekintzailea’ proiektuaren emaitzak eta aurrerapenak aurkeztuko ditu herritarren aurrean ostegunean, hilaren 13an. Gasteizko Udalak sustatutako eta Gizarte Eskubideen, Kontsumoaren eta 2030 Agendaren Ministerioak eta Gasteizko Udalak berak finantzatutako ekimena da.
“Bi urte baino gehiagoko lanaren ondoren, proiektua mugarri garrantzitsu bat da, eta lehen etapa honetako ondorioak partekatzeko aukera emango du. Izan ere, Zabalgunea, hiriko auzorik enblematikoenetako bat, biziberritzera bideratutako hainbat jarduera-ildo aztertu dira”, azaldu du Borja Rodríguez 21 Zabalguneko lehendakariak.
Saioa 18:30ean hasiko da, Círculo Vitorianoren Auditorioan, eta 21 Zabalguneko talde teknikoak eta proiektuan parte hartu duten enpresek egindako azterketa nagusiak azalduko dituzte.
Prozesu parte-hartzailea eta irekia
“Herritarren parte-hartzea izan da proiektuaren elementu nagusia hasieratik”. Denbora honetan zehar, hainbat espazio eta topaketa-dinamika prestatu dira: herritarren arretarako bulego bat, bisita gidatuak Principal Antzokiko etxadiaren barrualdera eta lan saioak inguruko eragile sozial, ekonomiko eta kulturalekin. “Prozesu parte-hartzaile honi esker, auzoaren erronkak, indarguneak eta aukerak identifikatu dira”.
Sortutako ezagutza herritarrei itzultzeko helburuarekin, azaroaren 13ko saioan interesa duten pertsona guztiek parte hartu ahal izango dute, eta aldez aurretik izena eman beharko da e21z@vitoria-gasteiz helbide elektronikoaren bidez.
Garatutako proiektuak
‘Zabalgunea, Eko-barruti Ekintzailea’ programa hainbat proiektu zehatzen inguruan egituratu da, eta horiei esker, Zabalgunea biziberritzeko helburu komuna lortu da:
- XIX. Zabalguneko etxadietako birgaitze energetikoaren eta hiri-berroneratzearen azterketa.
- Principal Antzokiko, Círculo Vitorianoko eta Dendarabako etxadien barrualdeetako guneen jasotze topografikoa.
- Principal Antzokiko etxadiaren zaharberritze integratuaren proiektua.
- Kultura- eta sormen-industriei lotutako ekoizpen-jarduera sustatzeko plana.
Lan horiek hiri-ingurunearen azterketa sakona eta ekimena definitzea ekarri dute, Zabalgunea eraldatzera bideratuak.
