Victor Parrak, Iván Casadok eta Alfonso Gómezek itxiko dute igande honetan Gasteizko XIX. Ganbera Zikloa, Maurice Raveli omenaldia eginez
- Programak konpositorearen lan hauek bilduko ditu: Biolin eta biolontxelorako sonata, Biolin, biolontxeloa eta pianorako trioa, ‘Pavana para una Infanta Difunta’ eta‘ Una barque sur l’ocean’
Vitoria-Gasteizko XIX. Ganbera Zikloak igande honetan, urriaren 28an, 12:00etan, itxiko du denboraldia Jesus Guridi Kontserbatorioko Areto Nagusian. Zortzigarren eta azken kontzertu honek omenaldia egingo dio Maurice Raveli bere 150. urteurrenean.
Euskadin jaiotako konpositore hau, bere obra sinfonikoengatik eta kolorez eta doitasunez betetako orkestrazioengatik bihurtu zen ezaguna eta historia osoko musikagile bikainenetako bat da. Dena den, zazpi obra eskaseko ganberako bere ekoizpenak aberastasun handia du. Katalogo horretatik, aste honetako hitzorduan Biolin eta biolontxelorako sonata (oso gutxitan interpretatutako lana da, zailtasun handikoa) eta Bolin, biolontxelo eta pianorako trioa la minorrean interpretatuko dituzte. Programa pianorako gaztetan konposatu zituen bi lanekin osatuko da: ‘Pavana para una Infanta Difunta’ eta ‘Una barque sur l’ocean’, bere ‘Ispiluak’ seriekoa.
Errepertorio zail hori eskaintzeko, agertokian izango dira Victor Parra biolin-jotzailea, Ivan Casado biolontxelo-jotzailea eta Alfonso Gómez piano-jotzailea. Azken hori Ganbera Ziklora itzuliko da hiru urteren ondoren.
Sarrerak www.entradium.com webgunean daude eskuragarri 7 euroren truke. 30 urtez azpiko ikasleek eta langabetuek doan sartzeko aukera izango dute.
Txostena (PDF)
