Loari eta eskola-errendimenduari buruzko jardunaldia ireki du alkateak Europa Jauregian
- Etxebarriak azpimarratu du atsedena dela “gero eta abiadura bizkorragoan dabilen” gizartearen erronka handienetako bat
Maider Etxebarria alkateak “Loa eta ikaskuntza” jardunaldia ireki du gaur goizean Europa Jauregian. Egitasmoak osasunaren, hezkuntzaren eta gizartearen arloko profesionalak bildu ditu, atsedenak gazteen ongizatean eta errendimenduan nola eragiten duen hausnartzeko.
Irekiera-ekitaldian, Etxebarriak ziurtatu du atsedena dela “gero eta abiadura bizkorragoan dabilen” gizartearen erronka handienetako bat. Izan ere, bere hitzetan, gure gizartean, ordutegiak konprimitu egiten dira eta “ditxosozko pantailek egunak gehiegi luzatzen dituzte”. Horrez gain, alkateak bertaratutakoei adierazi dienez, “gazteen atsedena zaintzen duen hiria etorkizuna zaintzen duen hiria da”.
Irekiera-ekitaldian parte hartu dute, halaber, Carlos Egea mediku gasteiztarrak, Loaren aldeko Aliantzaren koordinatzaileak, eta Koldo Berganzok, Osakidetzako Osasun Laguntzako zuzendariak.
