Energia-eraginkortasuneko kontratu berriaren helburua da energia-kontsumoa % 12 baino gehiago murriztea eta CO2 emisioak 3.798 tonatan gutxitzea
- 43 milioi euroko aurrekontua lizitatu da 2025-2030 aldirako
- Horrez gain, 2250 ekipo eta osagai berrituko dira, eta proiektatutako jarduketak 400 baino gehiago izango dira
- Ezaugarri horiek dituen laugarren kontratua da eta, horri esker, udal-eraikinetan energia asko aurreztea, jasangarritasuna handitzea eta ekipoak nabarmen modernizatzea lortu da
Mantentze Zerbitzuak udal-eraikinetako klimatizazioko (berokuntza, aire girotua eta aireztapena) eta ur sanitarioko instalazioetako mantentze-integrala eta erregaiaren hornikuntza energetikoaren kudeaketa jasangarria egiteko kontratua lizitatu du. Kontratu hori da Zerbitzuak kudeatzen duen handiena, 43.463.477,78 euroko aurrekontua izango baitu 2025-2030 aldirako eta 235 udal-eraikinen kudeaketa barne hartuko baitu.
“Kontratu hori duela 26 urte ezarri zen Vitoria-Gasteizen, eta arrakasta-kasu bihurtu da. Orain, laugarren lizitazioan, bilakaera izan du, baina hasierako filosofiari eutsi dio: kalitatezko zerbitzua ematea, energia-kontsumoa arrazionalizatuz eta gas kutsatzaileen emisioak murriztuz”, azaldu du Izaskun Reyes Mantentze-lanetako zinegotziak.
Bilakaera horren ondorioz, prebentziozko mantentze-lanak areagotu egin dira, indarrean dauden araudietara egokitzeko zereginak barne: legionelosiaren prebentzioa eta kontrola, kontsumo-uraren hornidura, kontrola eta kalitatea, besteak beste. Era berean, kontratu hori indarrean den bitartean, ekipo eta osagaiak berrituko dira, eta 2.250 aldatuko dira guztira. Esleipendunak bere gain hartuko dituen obrei dagokienez, 400 jarduketa baino gehiago proiektatu dira. Aipagarrienen artean, ohiko erregaia erabiltzen duten instalazioen ordez aerotermiak jartzea eta kirol-kantxak (hautesleku gisa ere erabiltzen dira) klimatizatzeko berreskuratze-sistemak instalatzea daude.
“Hobekuntza horiekin bi helburu lortu nahi dira 5 urte horietan: metatutako energia-kontsumoa % 12 baino gehiago murriztea, eta CO2 emisioak 3.798 tona gutxitzea”, adierazi du zinegotziak.
Jasangarritasun arloko aurrerapenak eta aurrezki energetikoa 26 urtez
Kontratu horri esker, udal-instalazioak nabarmen modernizatu dira eta energia-kostuak eta CO2 emisioak murriztu dira. Hori dela eta, Gasteizko Udala jasangarriagoa da eta indarrean dauden araudiekiko eguneratuta dago. Honako prestazio hauek biltzen ditu: hornidura eta kudeaketa energetikoa, mantentze integrala, berme osoa eta instalazioetako obrak.
Ezaugarri horiekin lizitatutako lehen kontratuari (1999-2009) esker, emisio kutsatzaileak murriztea lortu zen. Horretarako, 48 galdara-areto berritu ziren, eta 148 areto teknikotan hobekuntzak egin zituzten. Horri esker, erregai oso kutsagarriak ordezkatu ziren (gasolioaren ordez, gas naturala erabilita, adibidez). 135 instalazioren gaineko kontrola ere hobetu zuen, telekudeaketa-, erregulazio- eta kontrol-sistema bat eta ordenagailuz lagundutako mantentze-sistema ezarriz. Azkenik, mantentze prebentiboa handituta, matxuren kopurua minimizatu egin zen.
Hurrengo aldian (2009-2019), lehen mailako iturri kutsatzaileenen kontsumoak murriztea lortu zen, biomasa erregaia erabiltzeari eta energia berriztagarrietan egindako inbertsioari esker. Horrek guztiak % 15eko aurrezpen garbia eragin zuen, gutxi gorabehera. Kontratu horretan aire girotuko sistemen kudeaketa sartu zen, eta 7.500.000 euroko inbertsio globala egin zen berrikuntza eta berrikuntza teknologikoan, eraginkortasun energetikoan, instalazio berriztagarrien ezarpenean eta erabiltzaileei zerbitzua ematen.
Hirugarren lizitazioa aurten amaitu den kontratuarena da (2019-2025). Guztira 600.000 metro koadroko azalera termikoa eta hainbat motatako eraikinetan banatuta dauden 300 areto tekniko kudeatzen ditu. 5 urte hauetako balantzea honako hau da:
- Urtean 700 mantentze-lan egin dira, eta 4.000 legionellarekin lotuta.
- 000.000 euro inguruko inbertsioa egin da.
- 3 urtean metatutako energia-kontsumoa % 24 baino gehiago murriztu da, eta CO2 isuriak % 34 baino gehiago gutxitu dira.
- Biomasan oinarritutako energia-kontsumoa % 8tik % 21era igo da, eta gas-kontsumoa murriztu egin da.
- Aerotermiak ezartzeak urtean 000 Kwh baino gehiago aurreztea eragin du.
- Mantentze-lan prebentiboak gora egin du eta konponketako mantentze-lanak murriztu egin dira. Horren ondorioz, premiazko intzidentziak % 30 gutxiago izan dira.
- 000 ekipo eta osagai inguru berritu dira.
Aitzindaria Estatu mailan
Mantentze Zerbitzuak 1999an atera zuen lehen aldiz kontratu hau lehiaketara. Une hartan, udal-eraikinetako klimatizazioko eta ur sanitarioko instalazioetarako energia kudeatzeko eredu aitzindaria proposatzen zuen, eta laster bihurtu zen erreferentzia Estatu mailan. Izan ere, funtsezko oinarria izan zen Administrazio Publikoen eraikinetako energiaren azken erabileraren eraginkortasuna sustatzeko eredua, Energia Dibertsifikatzeko eta Aurrezteko Institutuak bultzatutakoa, osatzeko garaian. Eredu hori Estatuko udalerri guztietara zabaldu zen ondoren, Espainiako Udalerrien eta Probintzien Federazioaren bidez.
