O Museo do Castro de Viladonga celebrou esta fin de semana no Conxunto Etnográfico das Pallozas do Cebreiro o IV Encontro Internacional de Cestería no Camiño

A cita reuniu a artesáns e artistas de Galicia e do resto da Península Ibérica neste enclave único e moi significativo, xa que as técnicas cesteiras son piares básicos para os teitos das pallozas.

Dende hai catro anos, o Museo promove este encontro no que se comparten coñecementos, rescatan tradicións, intercámbianse saberes e se exploran novas formas de expresión.

Durante o sábado 12 e o domingo 13,en plena porta de entrada do Camiño de Santiago en Galicia houbo actividades diversas cun nexo cesteiro en común para todos os públicos: demostracións de diferentes materiais e técnicas, unha mesa redonda e un concerto, obradoiros e, sobre todo, a posta en común sobre diversos aspectos cesteiros.

Pódense ver as fotografías nesta ligazón da páxina de facebook do museo.