Gasteizko Udalak 5.000 euroan handitu du Inauterietako konpartsentzako dirulaguntza
- Eskaerak aurkezteko epea 10 egun baliodunekoa da, deialdia ALHAOn argitaratzen denetik
Tokiko Gobernu Batzordeak 2026ko Inauterietan parte hartuko duten konpartsentzako dirulaguntzen deialdia eta oinarriak onartuko ditu. Dirulaguntzak 95.000 euroko aurrekontua izango du; hau da, 2025ean baino 5.000 euro gehiagokoa. Gaur onartutako oinarriak laster argitaratuko dira Arabako Lurralde Historikoaren Aldizkari ofizialean (ALHAO), Dirulaguntzen Datu Base Nazionalean (BDNS) eta Udalaren webgunean.
Eskaerak aurkezteko epea 10 egun baliodunekoa da deialdia ALHAOn argitaratu eta hurrengo egunetik zenbatzen hasita. Eskaerak Hiritarren Arretarako Bulegoetan aurrez aurre edo Gasteizko Udalaren egoitza elektronikoaren bidez aurkeztu beharko dira.
Konpartsa onuradunek 3 ekitalditan hartuko dute parte: otsailaren 10ean egingo den konpartsen aurkezpenean, otsailaren 14 eta 15ean egingo diren inauteri-desfileetan, eta otsailaren 17ko sardinaren ehorzketan.
“Duela bi urte deialdi honen aurrekontua 5.000 euroan handitu genuen, eta aurten ere Inauterien aldeko apustua egingo dugu, 5.000 euroko beste igoera batekin. Helburua konpartsei beren gastuak finantzatzen laguntzea da, eta Gasteizko jai hori animatzen egiten duten lan garrantzitsu horretan babestea”, adierazi du Sonia Díaz de Corcuera Kultura eta Hezkuntza zinegotziak.
Deialdiari buruzko informazio eta dokumentazio guztia Udalaren webgunean, Gasteizko Udalaren Herritarraren Arretarako Bulegoetan, eta 010 telefono-zenbakian egongo da eskuragarri.
