Cando:
21 de novembro de 2024
Proximamente anunciaranse os primeiros artistas e a saída a venda dos abonos
O Morriña Fest continuará un ano máis celebrándose na Coruña coa súa quinta edición, para a cal xa hai datas confirmadas. O festival celebrarase os días 25 e 26 de xullo de 2025. Proximamente anunciaranse os primeiros artistas e a saída a venda dos abonos.
O Goberno de Inés Rey promove este evento musical, un dos máis importantes de Galicia e do noroeste. «Os últimos tres anos quedou demostrado que o Morriña atrae a moita xente e é xa un dos eventos máis esperados do ano na cidade, e como non podía ser doutro xeito desde o Concello seguiremos colaborando coa organización nun evento que beneficia a toda a cidade», sinalou Gonzalo Castro, concelleiro de Cultura e Turismo.
Na edición deste 2024 máis de 40.000 persoas asistiron ao festival, celebrado no Porto da Coruña. O evento significou tamén a apertura dos peiraos á celebración de grandes concertos e actividades culturais, algo que xa é habitual durante o período estival.
Artistas como Rels B, Aitana, Duki, Crystal Fighters, Black Eyed Peas ou Nicky Jam actuaron no festival nestes tres anos que se leva celebrando na cidade. O Morriña Fest supón, á vez que un referente musical, un gran activo turístico e económico, cun importante retorno económico para sectores como o hostaleiro ou hoteleiro.
