O Concello celebra o Samaín con pasarrúas, talleres infantís e concurso de escaparatismo

Co obxecto de dinamizar o comercio de proximidade durante estas datas o Concello da Coruña desenvolve diversas actividades relacionadas coa celebración do Samaín que implican tanto aos propios comercios como á rapazada da cidade. O Goberno de Inés Rey aposta un ano más por organizar diferentes actividades para conmemorar esta festividade e promover o consumo.

Nestes momentos xa se está a realizar en diversos centros educativos da cidade a actividade de elaboración de disfraces e posteriormente o alumnado sairá á rúa a realizar o «Truco ou trato» polos comercios da súa zona. «A acollida a estas iniciativas está sendo moi boa grazas ao gran tecido asociativo do noso comercio local, sempre disposto a colaborar coas campañas promovidas desde o Goberno de Inés Rey», sinalou Diana Cabanas, concelleira de Emprego, Comercio e Mercados.

Tamén se está a desenvolver o tradicional concurso de escaparatismo no que se inscribiron máis de 100 comercios. O xurado visitará os escaparates valorando a ambientación na festa tradicional do Samaín, a orixinalidade, a estética e a complexidade da montaxe. O día 31 comunicaranse os cinco escaparates premiados, que se repartirán un total de 6.500 euros.

Neste momento está aberto a prazo de inscrición para os obradoiros infantís gratuítos, que se realizarán o sábado 26 de outubro en 10 lugares da cidade. Neles poderá participar a cativada de 4 a 12 anos presentando un tícket de compra realizada nun comercio de proximidade desde o día 15 de outubro por un mínimo de 5 euros. A inscrición pode realizarse a través da páxina web: samaincoruna.gal.  

Localización e horarios dos talleres do sábado

Mercado municipal de San Agustín

• 10:15 a 11:00 Escena de Samaín (Diorama)
• 11:30 a 12:30 Disfrace de Cabaza
• 13:00 a 14:00 Monicreque de Samaín

Mercado municipal de Elviña

• 10:15 a 11:00 Disfrace de Cabaza
• 11:30 a 12:30 Escena de Samaín (Diorama)
• 13:00 a 14:00 Monicreque de Samaín

Mercado municipal de Eusebio da Guarda

• 10:15 a 11:00 Monicreque de Samaín
• 11:30 a 12:30 Disfrace de Cabaza
• 13:00 a 14:00 Escena de Samaín (Diorama)

Mercado municipal de Monte Alto

• 10:15 a 11:00 Monicreque de Samaín
• 11:30 a 12:30 Escena de Samaín (Diorama)
• 13:00 a 14:00 Lapiseiro de araña

Centro Cívico San Diego

• 10:15 a 11:15 Escena de Samaín (Diorama)
• 11:30 a 12:15 Disfrace de Cabaza
• 12:30 a 13:15 Lapiseiro de araña

Centro Cívico Castrillón

• 10:45 a 11:15 Escena de Samaín (Diorama)
• 11:30 a 12:15 Lapiseiro de araña
• 12:30 a 13:15 Monicreque de Samaín

OMIC (Oficina Municipal de Información a las Personas Consumidoras)

• 10:15 a 11:00 Monicreque de Samaín
• 11:30 a 12:30 Escena de Samaín (Diorama)
• 13:00 a 14:00 Lapiseiro de araña

Centro Cívico de Eirís

• 10:45 a 11:15 Monicreque de Samaín
• 11:30 a 12:15 Disfrace de Cabaza
• 12:30 a 13:15 Lapiseiro de araña

Centro Cívico Novoboandanza

• 10:15 a 11:00 Monicreque de Samaín
• 11:30 a 12:30 Disfrace de Cabaza
• 13:00 a 14:00 Escena de Samaín (Diorama)

Centro Cívico Sagrada Familia

• 10:45 a 11:15 Monicreque de Samaín
• 11:30 a 12:15 Disfrace de Cabaza
• 12:30 a 13:15 Escena de Samaín (Diorama)